DISKOUEZADEG "SELLOÙ WAR AL LEURENN"

A-hed ar c’houlzad sevenadurel 2024-2025 e oa bet al Leurenn Glenmor o virviñ diouzh lusk sonadegoù strobinellus, korolladegoù skañv, pezhioù c’hoari fromus hag arvestoù empetet evit bamañ ar re yaouank. Bet eo Pierre Colleti o luc’hskeudenniñ un nebeud arvestoù. Tapet en deus an energiezh, ar fromoù hag ar mareoù a-istriblilh a oa deuet diwarne.

Dre lagad e venveg luc’hskeudenniñ ec’h a pep jestr, pep sell, pep bann sklêrijenn d’ober un eñvor gwelet.

Deuit da advevañ ar mareoù dibar-se ha da santout, gant skeudennoù, boem an arvest bev.

E Karnoed, e Kreiz-Breizh, eo en em staliet Pierre Colletti, a-orin eus Troyes, abaoe 2021.
Kelenner gitar klasel eo bet hag abaoe m’emañ war e leve eo sot-pitilh gant al Luc’hskeudennerezh.
Kinniget en deus meur a ziskouezadeg. Ezel eo eus daou genstroll arzourien vreizhat, Arz Treger e Perroz-Gireg hag Arz’Goad en Uhelgoad.