COQUILLES
AMALA DIANOR

Un arvest nevez er c’houlzad-mañ !
Da-geñver ar festival red Nomadanse. 

Evit e grouidigezh kentañ evit ar re yaouank e vod Amala Dianor div zañsourez disheñvel o stiloù evit imbourc’hiñ ar c’hoari, an emgav hag al lusk asambles. War al leurenn e vez ar c’horfoù o respont an eil d’egile, en em veskañ a reont ha krouiñ a reont ur jestraoueg hiron ha barzhoniel, enni levezonoù a vremañ ha kêrel mesk-ha-mesk.
Gant « Coquilles » eo pedet ar vugale adalek 1 bloaz hag ar re vrasañ da evezhiañ, da santout ha da gemer perzh, ha d’ober anaoudegezh gant an dañs evel ur yezh vev war un dro. Un arvest leun a souezhadennoù, a from hag a energiezh, ma teu pep jestr da vezañ un dra da imbourc’hiñ.

Dañset gant :  Lucie Benhalima Dubois, Milane Cathala-Di Fabrizio
30 min. Da-heul e vo un emgav.
Adalek 1 bloaz.

Evel un heklev d’an abadenn-se :
Atalieroù hag un abadenn evit ar skolidi e skol Uhelañ e Karaez.

Produet gant : Le Gymnase CDCN Roubaix – Krec'hioù-Frañs da-geñver ar raktres urzhiadiñ korollouriezh Les mouvements minuscules.

BANNAÑ FILMOÙ ER SINEMA « AR GAZEG C’HLAS »
MERC’HER 3 A VIZ EVEN
DEVEZH DAÑS HA SINEMA

Filmoù berr – 10e
Ur programm filmoù berr.
Ar sinema « Ar Gazeg C’hlas » a ginnig un dibab filmoù faltazi berr, bevaat ha teulfilmoù diwar tem an dañs.
30 min, evit ar re yaouank, adalek 3 bloaz
Prizioù : 6€ / 5€
Mirout ho plas(où) gant ar sinema « Ar Gazeg C’hlas »

Evel un heklev d’an abadenn-se : 10e45 vintin : atalier c’hoarioù ha luskoù gant kreizenn-dudi Poc’hêr kumuniezh.

Teulfilm – 2E15 gm
« Alice danse danse danse danse » gant Thibault Ras
 Alice, 38 vloaz, dougerez trizomiezh 21, dañsourez a vremañ a vicher ha korollerez, a fell dezhi lakaat selloù an dud da cheñch war ar pezh a zo disheñvel
52 min, adalek 8 vloaz
Prizioù : 7,5€ / 6€ / 5€
Mirout ho plas(où) gant ar sinema « Ar Gazeg C’hlas »

Evel un heklev d’an abadenn-se : 3e30 gm : atalier dañs gant EMD Karaez.


Nomadanse zo ur festival red kaset en-dro gant Danse à tous les étages CDCN hag e gevelerien lec’hel. Eus Roazhon betek Brest Meurgêr, anez ankouaat Kreiz-Breizh, e vez o’n em staliañ er c’hoarivaoù, er skolioù, er sinemaoù, e lec’hioù a bouez evit ar glad hag e-mesk an natur evit lakaat an dañs da zont war-wel lec’h na c’hortozer ket anezhañ. Difenn a ra Nomadance ur mod dañs a vremañ, aes da bleustriñ, hag a daol evezh ouzh dalc’hoù ar bed. Ur festival evit gwelet, pleustriñ, santout hag ober a-stroll.