TAFOD ARIAN (TEOD ARC’HANT)

Petra eo ar c’hanoù hengounel kembraek aet da goll ? Ar c’hanoù-se n’int ket ofisiel ha ne vezont ket kavet en dastumadoù kantikoù relijiel. Gant ar ganerez Lleuwen Steffan int bet kempennet diouzh ar c’hiz a vremañ.

Tafod Arian (Teod Ac’hant) zo un arvest liesventek hag a gaver ennañ filmoù ha dielloù klevet evit krouiñ ur sonerezh nevez. E 2004 e oa bet Lleuwen Steffan oc’h ober tro ar chapelioù e Kembre abalamour da lakaat Kembreiz d’ober anaoudegezh gant ar c’hanoù kembraek aet da goll. En un doare dic’hortoz, er veaj-se, he doa bet digarez da glevet ha d’enrollañ kanoù hengounel all kanet gant tud e-touez an arvesterien hag a faote dezhe lakaat anezhe da vezañ anavezet. Gant Tafod Arian e vez mesket an enrolladennoù-se gant re an dielloù klevet a zo miret e Mirdi istor Kembre e Sain Ffagan evit krouiñ ur sonerezh nevez digor d’al levezonoù elektronek ha klev.
Ar soner kembreat liesvenveg Gethin Elis hag ar ganerez sonaozerez vreizhat Nolwenn Korbell a vo war leurenn asambles gant Lleuwen.  Ur film sevenet gant Aled Victor a vo skignet e-kerzh an arvest.

Rentañ a ra Tafod Adrian enor da vouezhioù an amzer-dremenet o lakaat komzoù anamzerel, kempennadurioù a vremañ ha modoù personel gwirion da seniñ pe da ganañ mesk-ha-mesk. En arvest-se e vez roet buhez en-dro da enrolladennoù hag a zo bet kavet en dielloù, ar pezh a ro tro da ganoù hengounel Kembre, a blije kalz da dud ar vro-se, da gavout o flas en-dro war al leurennoù e Kembre en deiz hiziv. Deuit d’ober ar veaj a ra al liamm etre an amzer-dremenet hag an amzer a vremañ, ha splujit e kened anamzerel sonerezh sakr Kembre e 2025.

Evit an holl
Pad : 1e30