P’TITS BOUTS DE BRETAGNE / BUGALEAJ
GANT SERJ PHILOUZE

Da-geñver Gouel Breizh ha Fest ar Vugale, programmet d’ar Sul 19 a viz Mae el Leurenn, e kinnig ar c’hengevread Kenleur 29 un diskouezadeg luc’hskeudennoù « Bugaleaj / p’tits bouts de Bretagne ».

A-zoug hir amzer em eus bevet pell diouzh ma c’hontre genidik ha koulskoude eo pelloc’h er Reter d’ar C’huzh-heol e oan krog abred-kenañ da blediñ gant al luc’hskeudennerezh. Eus ar gambr du d’an eurvezhioù tremenet er c’hoadoù dindan goad evit pakañ ur frapapik bennak eus ar vuhez ouez, eo aet an amzer hebiou. Goude-se, dre chañs hag ivez dre youl, on deuet en-dro evit touchañ gant ma daoulagad ar pezh en doa skoet ma spered, ar Vro-Vreizh-se am boa gortozet kement gant « Liv an Amzer », pe ar sonerezhioù hag ar yezh-se a zalc’he kompagnunezh din em bugaleaj, em ijin. Ha me, dousik-dousik gant ma benveg-luc’hskeudenniñ, da dostaat ouzh gouleier an aodoù, ouzh luskoù an dañserezed hag an dañserien, ouzh ar memor breizhat, ouzh ar c’hanerezed, ar sonerien, an arzourien a vez gwelet war leurennoù Breizh.

Plijout a ra din bezañ lod el liamm-se, karout a ran an dud-se a dennan o foltred dezhe evit o spred-krouiñ, o brokuskted, evit ar pezh a roont din hag evit ar pezh a vez kenlodet etrezomp. Klask a ran o ferzhioù arzel, neuze e c’hoarian gant ar gouloù, gant an amzer, gant an egor, ar maez, an amgin. Selaou ha sellet a ran ouzh ar mor, evel ma selaouan ha ma sellan ouzh ur soner, ouzh dañserien.

Serj Philouze