C’HOARIOÙ KORF

E-giz bugale hag a ra anaoudegezh an eil gant egile ez eo an div zañserez, pep hini anezho diouzh mod he sevenadur genidik (slav ha gall-hag-arab). Dre ar jestroù hag ar sonioù e vezont oc’h esa hag oc’h ijinañ traoù nevez, o klask an eil eben, o respont an eil d’eben, o souezhañ an eil eben, oc’h en em ober an eil ouzh eben, o kouviañ an eil eben, o kehentiñ an eil gant eben… Dre ar c’hanaouennoù hag ar c’hoarioù e lañsont hag e skoulmont darempredoù, pelloc’h eget al lavar hag ar verboù. Kement-se a ra deomp soubañ en un dañs mezevellus hag en ur faltazi kizidik ha barzhoniel lec’h m’emañ mammenn an denelezh.

Empennañ : Taya Skorokhodova
Dañserezed-kanerezed : Taya Skorokhodova ha Flore Khoury/Léa Scher
Krouiñ son : Jonathan Lefevre
Koefoù : Suzanne Devaux

Adalek 3 miz, evit an holl.
Pad : 30 min.